|
Farfacio.
Cernis ut ingenti distinguant limite campum Montis Amos clivi Bilboreique juga! Ille stat indomitus turritis undisque saxis: Cingit huic laetum Fraximus alta Caput. Illi petra minax rigidis cervicibus horret: Huic quatiunt viridis lenia colla jubas. Fulcit Atlanteo Rupes ea vertice coelos: Collis at hic humeros subjicit Herculeos. Hic ceu carceribus visum sylvaque coercet: Ille Oculos alter dum quasi meta trahit. Ille Giganteum surgit ceu Pelion Ossa: Hic agit ut Pindi culmine Nympha choros. Erectus, praeceps, salebrosus, & arduus ille: Aeclivis, placidus, mollis, amoenus hic est. Dissimilis Domino coiit Natura sub uno; Farfaciaque tremunt sub ditione pares. Dumque triumphanti terras perlabitur Axe, Praeteriens aequa stringit utrumque Rota. Asper in adversos, facilis cedentibus idem; Ut credas Montes extimulasse suos. Hi sunt Alcidae Borealis nempe Columnae, Quos medio scindit vallis opaca freto. An potius longe sic prona cacumina nutant, Parnassus cupiant esse Maria tuus. Unsatisfied? Search for more:Other Cool Sites:Hot Arts & Stage NewsLyrics Catalogue Sound Tracks Guide Guide to Serials and Shows English Subtitles For DivX Movies Hundreds of Cooking Recipes Over 5000 Cocktails Recipes Cool Online Encyclopedia Cellulars Descriptions and Reviews Algorithms Dictionary Funny Jokes and Anecdotes. Usenet Newsgroups Reader |